Neijooschreceptioun Anil: Net genuch Jonker interesséiert

Écrit par Steve MACK Samedi, 14 Janvier 2012 10:35

Et ass eng Tatsaach, datt sech net genuch Jonker fir de Beruff vum Infirmier interesséieren, sou de President J.-P. Bleser.

D'Associatioun vun den Infirmièren an Infirmieren ass fir hir Neijooschreceptioun zesummen. D'Anil, déi ronn 6.000 Salariéeën vertrëtt, bedauert nach ëmmer de Personalmangel am ganze Gesondheetssecteur. Et ass eng Tatsaach, datt sech och zu Lëtzebuerg net genuch Jonker fir dës Beruffer interesséieren, seet de President vun der Anil, Jean-Paul Bleser. Fir dat z'änneren, geet et awer net duer Campagnen ze maachen.

An deem Kontext, begréisst de Jean-Paul Bleser ausdrécklech, datt d'Formatioun fir Infirmièren an Infirmieren zu Lëtzebuerg bal 10 Joer no enger Plainte vun der Anil zanter dëser Rentrée reforméiert an op 4 Joer verlängert gouf, an esou un den europäeschen Niveau ugepasst ass.

Infirmièresformatioune fir Leit, déi schonn am Beruffsliewe stinn, unzebidden, dat ass dogéint eng aner Doleance vun der Anil, déi d'Beruffschamber bis ewell nach net ëmgesat krut.

Source: www.rtl.lu